Duke parë thesarin e pasur historik të Radios Kombëtare Bullgare, gjejmë fakte interesante dhe kureshtare në lidhje me programin shumë gjuhësor Radio Bullgaria. Ndonëse e ndërpreu transmetimet në valë të shkurtra dhe të mesme në vitin 2012, deri atëherë programet në gjuhë të ndryshme evropiane, të përgatitura çdo ditë nga kolegët, arrinin pothuajse kudo në botë.
Në rreshtat e mëposhtëm do t'ju tregojmë për redaksinë "Afrikë" të Programeve për jashtë vendit të Radio Bullgarisë. Duke filluar transmetimin në vitin 1961, redaksia ka përgatitur programe të përditshme 20-minutëshe në frëngjisht dhe anglisht. Në një botim të ruajtur në Redaksinë për Referencat e Radios Kombëtare Bullgare, lexojmë se në vitet 1970, redaksia afrikane transmetonte një program origjinal njëorësh çdo ditë me një përsëritje prej 30 minuta në anglisht dhe një përsëritje 25 minuta në frëngjisht. Në transmetimet e tyre, kolegët e kësaj redaksie janë mbështetur në intervista dhe biseda të drejtpërdrejta dhe pothuajse të gjitha materialet janë paraqitur në formë dialogu dhe bashkëbisedime, në të cilat kanë marrë pjesë edhe redaktorët, korrespondentët dhe bashkëpunëtorët në redaksinë në gjuhën përkatëse. Ndër programet që gëzonin interesimin më të madh të dëgjuesve ishin ato kushtuar çështjeve rinore, si dhe minutat në të cilat prezantuesit iu përgjigjën pyetjeve të dëgjuesve. Në mënyrë të ngjashme është mbajtur edhe rubrika “Temën e caktoni ju”, e cila ka pritur shkencëtarë dhe specialistë të fushave të ndryshme, të cilët iu përgjigjën edhe pyetjeve të dëgjuesve. Një pjesë të veçantë të programit, të përgatitur nga redaksia afrikane, i është kushtuar Klubeve të Miqve të Bullgarisë, të krijuara në Kontinentin e Zi. Anëtarët e tyre kanë qenë jashtëzakonisht aktiv dhe kanë organizuar paraqitje të ndryshme, mes të cilave lexime letrare, mbrëmje kushtuar traditave bullgare, jetesës, kulturës dhe kulinarisë. Dhe kjo ka qenë kështu jo vetëm aty. “Transmetimet e Radio Bullgarisë dëgjoheshin rregullisht, incizoheshin në kaseta dhe dërgoheshin bashkë me letrat e dëgjuesve deri tek ne në Sofje. Zhvillonim një korrespondencë jashtëzakonisht intensive me dëgjuesit nga e gjithë bota. Merrnim nga minimum 100 letra për ditë”- kujtohet Sillvija Nikollova, e cila e ka filluar karrierën e saj në Redaksinë Arabe, por më vonë është kthyer në zemër të Redaksisë Bullgare të Radio Bullgarisë pas vitit 1989. Përpiloi: Joan KolevPërgatiti në shqip: Nataniela Vasileva
Të nderuar miq, në fillim të programit tonë më 21 nëntor 2024 do të dëgjoni lajmet e fundit. Në Ditën e Familjes së Krishterë, në rubrikën tonë të përditshme “Kënga e Ditës” ju ofrojmë këngën "Lutja për ne" në interpretim të këngëtares së dashur..
Të nderuar miq, në fillim të programit tonë më 20 nëntor 2024 do të dëgjoni lajmet e fundit. Në rubrikën tonë të përditshme “Kënga e Ditës” ju ofrojmë këngën “Ditët e anasonit” në interpretim të grupit B.T.R. Ju urojmë minuta të këndshme!..
Të dashur miq, sot në programin tonë të ditës ju ofrojmë tema të zgjedhura nga koleksioni i Radio Bullgarisë në gjuhën shqipe. Si zakonisht programi ynë do të mbarojë me muzikë të bukur bullgare. Ju urojmë minuta të këndshme, duke ju kujtuar se më..
Të nderuar miq, në fillim të programit tonë më 21 nëntor 2024 do të dëgjoni lajmet e fundit. Në Ditën e Familjes së Krishterë, në rubrikën tonë të..
Të nderuar miq, në fillim të programit tonë më 20 nëntor 2024 do të dëgjoni lajmet e fundit. Në rubrikën tonë të përditshme “Kënga e Ditës” ju..
Vranësira të dendura
Pjesërisht me re
Reshje
Vranësira
Vranësira të dendura me shi