Nëse Bullgaria nuk redukton emetimet e saj me 40% në tre vitet e gjysmë të ardhshme, do të duhet të kthejë 13 miliardë leva /6.65 miliardë euro/ fonde sipas planit të rimëkëmbjes. Këtë e deklaroi Ministri i Mjedisit Borisllav Sandov gjatë konferencës rajonale për energjinë e rinovueshme RЕ-Source Southeast 2022 në Sofje, raportoi uebfaqja 3eNews.

Sipas Sandovit, kjo reformë është e përshkruar në planin e rimëkëmbjes dhe ne duhet ta zbatojmë atë, që është një sfidë e madhe për ekonominë dhe energjinë bullgare. Sipas sindikatave, kjo kërcënon të ardhmen e kompleksit energjetik të termocentralit Marica Iztok, por qeveria thotë se nuk do të mbyllë termocentralet me qymyr para vitit 2038.

Ministri Sandov mendon se duhet të kërkohen skema më fleksibël të zhvillimit të energjisë nëpërmjet burimeve të rinovueshme. Ai vuri në dukje mundësitë e përdorimit të digave për ndërtimin e impianteve fotovoltaike mbi ujë, si dhe potencialin energjetik të Detit të Zi në fushën e erës off-shore.