Zyra Evropiane Kundër Mashtrimit (OLAF) në raportin e saj vjetor rekomandon që Bullgaria të rimbursojë më shumë se 30 milion euro nga programe evropiane. Më shumë se 23 milionë euro nga kjo shumë shkuan për ndërtimin e 377 bujtinave. Megjithatë, në vend që t’u jepen me qira turistëve, ato përdoren për nevoja personale. Një rast tjetër ka të bëjë me kultivimin e vreshtave - përfituesi i fondeve të BE-së ka rritur çmimet për punën e kryer, ka nënkontraktuar për paga më të ulëta dhe disa punëtorë nuk kanë marrë kontrata pune. Abuzime janë evidentuar edhe në reklamimin e verës, pijeve alkoolike dhe produkteve të qumështit, si dhe në pyllëzimin e tokave të papërshtatshme për këtë aktivitet. Nga gjithsej 85 raste të dorëzuara nga OLAF në Prokurorinë Evropiane, 13 kanë të bëjnë me Bullgarinë.