Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Ka një popull të tillë” i tërheq ministrat e vet nga qeveria

Sllavi Trifonov
Foto: Facebook / @ ITN

Partia “Ka një popull të tillë” (ITN) i tërheq ministrat e saj nga qeveria dhe i vë fund koalicionit. Këtë e bëri të ditur lideri i partisë Sllavi Trifonov. Bëhet fjalë për Zëvendëskryeministrin dhe Ministrin e Zhvillimit Rajonal dhe Punëve Publike Grozdan Karaxhov, Ministren e Punëve të Jashtme Teodora Genchovska, Ministrin e Energjetikës Aleksandër Nikollov dhe Ministrin e Rinisë dhe Sportit Radostin Vasilev.

Më herët sot, ministrat e partisë u larguan nga mbledhja e Këshillit të Ministrave "për shkak të buxhetit jashtëzakonisht të dobët të paraqitur nga Ministri i Financave Asen Vasilev", sipas fjalëve të Sllavi Trifonovit. Sipas tij, kjo tregon se as Kryeministri, as Ministri i Financave nuk po punojnë mirë, as koalicioni nuk po funksionon siç duhet.

Janë dy arsyet se pse koalicioni nuk funksionon - politika ndaj Maqedonisë së Veriut dhe mungesa e parave në vend, tha Trifonov. Prandaj “Ka një popull të tillë” nuk ka më vend në këtë qeveri. Trifonov tha se për Maqedoninë e Veriut, Kryeministri ndjek një politikë të ndryshme nga ajo e Ministrisë së Punëve të Jashtme, Kuvendit dhe nga politika e deklaruar në Këshillin Konsultativ te Presidenti. Sipas tij, Kryeministri u ka premtuar liderëve në Evropë dhe në botë se do të vendosë veton ndaj Maqedonisë së Veriut dhe po bën gjithçka që është e mundur për ta bërë këtë, megjithëse shumica e bullgarëve duan që Maqedonia Veriore të fillojë negociatat vetëm pasi ajo e përmbush Marrëveshjen e Fqinjësisë mes dy vendeve që nga viti 2017. Kështu, ai shkel në mënyrë të rëndë dhe të pamëshirshme marrëveshjen e nënshkruar të koalicionit.

Lidhur me buxhetin dhe paratë e shtetit, Trifonov tha se që kur Asen Vasilev është Ministër i financave, "miliarda fluturojnë lart e poshtë". "Askush nuk ka të drejtë të eksperimentojë me paratë tona, pavarësisht nëse e ka mbaruar Universitetin e Harvardit, ose Institutin Galaktik", deklaroi Trifonov. Ai saktësoi se deputetët nga ITN do të mbështesin përditësimin e buxhetit në fushën që u përket të ardhurave.


Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Studentët bllokuan hyrjet e Radio Televizionit të Serbisë Studentët dhe qytetarët kanë bllokuar hyrjet e Radio Televizionit Kombëtar të Serbisë (RTS) tashmë 12 ditë në shenjë proteste kundër mënyrës se si media kombëtare po prezanton..

botuar më 25-04-26 7.00.PD
Ministrja Temenuzhka Petkova

Sipas Ministrit të Financave, Presidenti po merr rolin e udhëheqësit të opozitës

Presidenti Rumen Radev ka qenë prej kohësh i përfshirë në jetën politike të vendit dhe tani dëshiron të marrë rolin e udhëheqësit të opozitës. Kështu deklaroi Ministrja e Financave Temenuzhka Petkova në Tërgovishte. "Pas gati katër vitesh qeverisjeje..

botuar më 25-04-25 6.06.MD

PP vuri në dukje korrupsionin si një tipar dallues të kabinetit në 100 ditët e para të qeverisjes

“Po e vazhdojmë ndryshimin" (PP) theksoi korrupsionin si një nga mangësitë kryesore të qeverisjes njëqind ditësh të GERB-it, “BSP – E majta e bashkuar” dhe “Ka një popull tillë” (ITN). Partia nuk heq dorë nga vota e mosbesimit pas marrjes së raportit..

botuar më 25-04-24 5.44.MD