Partia “Ka një popull të tillë” do të kërkojë që më 15 qershor të mbahet një seancë të mbyllur të parlamentit për marrëdhëniet me Maqedoninë e Veriut. Ministrja e Punëve të Jashtme në dorëheqje Teodora Gençovska do t’u dorëzojë letra sekrete deputetëve për bisedime të zhvilluara mbi këtë temë, njoftoi kryetari i grupit parlamentar të partisë Toshko Jordanov.

Sofja dhe Shkupi ende nuk kanë arritur një marrëveshje formale – as me shkrim e as me gojë, tha Ministri i Jashtëm maqedonas Bujar Osmani për TV21 të Shkupit.

Këtë javë pritej, që Kryeministri bullgar Kirill Petkov t’u bënte një propozim deputetëve bullgarë për të zgjidhur çështjen me Maqedoninë e Veriut. Propozimi do të ishte mbështetur nga opozita, tha për televizionin maqedonas “Tellma”, Vllado Buçkovski, ish-Kryeministri dhe përfaqësues i vendit për bisedimet me Bullgarinë. Sipas Buçkovskit, dalja e “Ka një popull të tillë” nga qeveria e ka penguar këtë mundësi.