Dita e Apostujve të Shenjtë Pjetër dhe Pali është një festë e nderuar nga bullgarët. Në traditën tonë popullore ajo simbolizon gjallërimin e natyrës dhe lindjen e jetës në fillimin e verës së vërtetë, e cila në vendin tonë zakonisht fillon në fund të qershorit. Dita e Shën Pjetrit përkon me periudhën e korrjes, ndaj në këtë festë puna është e lejuar. Këtë ditë kanë festë të gjithë me emrat Petër, Pavell, Petrana, Polina, Pavlina, Petja, Kamen.
Përhapësit e zellshëm të krishterimit, mësuesit Pjetri dhe Pali pësuan shumë vuajtje dhe përndjekje, duke na lënë trashëgim në mesazhet e tyre rregullat themelore të besimit dhe të jetës së krishterë. Në këtë ditë, në të gjitha kishat ortodokse kremtohet një Liturgji e Shenjtë festive.Në folklorin bullgar, dy apostujt e parë janë vëllezër. Shën Pjetri perceptohet si një plak i ashpër, por i drejtë, i cili mban çelësat e portave të Parajsës dhe lejon vetëm shpirtrat e drejtë në të. Sipas një legjende, ai ishte aq i rreptë sa nuk e lejoi as nënën e tij të hynte në Parajsë, sepse sipas tij ajo ishte një grua e keqe dhe e mallkuar.
Populli ynë e konsideron Shën Palin të drejtë, por më dashamirës. Në portat e Parajsës ai donte që t'i shërbenin bukë, ndryshe nga vëllai i tij Pjetri, i cili priste vetëm nderim dhe respekt. Edhe pse Kisha Ortodokse u bën homazhe dy apostujve në një ditë - 29 qershor, në disa pjesë të vendit (në Dobruxha, në të gjithë Bullgarinë Lindore dhe në rajonin e Rodopeve) bullgarët e kremtojnë festën e Shën Palit vetë, më 30 qershor.
Dita e Shën Pjetrit shoqërohet me shumë zakone të lidhura kryesisht me gosti.
Në ditën e Shën Pjetrit, sillen në kishë për bekim mollët e para të pjekura – të ashtuquajturat "petrovki".
Por në fshatin Gega, pranë kufirit tonë me Maqedoninë e Veriut, festa po kremtohet në mënyrë të pazakontë. Dhe në vend të mollëve - "petrovki", njerëzit sjellin në tempuj qengja të gjallë për t'u shenjtëruar nga prifti.
Më shumë hollësi mund të lexoni në artikullin tonë “Fshati Gega dhe “Manastiri përrallor me djajtë“ në malin Ograzhden” nga koleksioni i Radio Bullgarisë.
Përpiloi: Veneta Nikollova
Përgatiti në shqip: Vesella Mançeva
Foto: pravoslavie.bg, arkiv
Në mendjet e bullgarëve, që ruajnë dhe nderojnë kujtimin e të parëve të tyre, data 6 shtator është simbol i bashkimit të popullit tonë të vuajtur, i cili ruajti besimin dhe identitetin e tij gjatë pesë shekujve të pushtimit osman. Pas Çlirimit në fund..
Sot, më 28 gusht, në shumë rajone të vendit tonë, bullgarët kremtojnë Fjetjen e Hyjlindëses sipas stilit të vjetër, së bashku me pothuajse të gjithë botën ortodokse. Festa është shumë e respektuar në vendin tonë, siç e dëshmojnë tubimet e shumta,..
Në këtë ditë, 90 vjet më parë, u bë shenjtërimi i i Monumentit të Lirisë në malin e Shipkës. Ai u ngrit në kujtim të heronjve të vrarë në këtë vend gjatë Betejës së Shipkës, rreth së cilës në verën e vitit 1877 u zhvilluan betejat vendimtare për..
Kanë kaluar 40 vjet nga protesta e parë kundër ndryshimit të detyruar të emrave të turqve bullgarë nga regjimi komunist. Në këtë ditë të vitit 1984 në..
Reshje shiu/dëbore
Reshje
Shi bore
Dëborë 