Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Zornica IIlarionova për koncertin e saj me Orkestrën e Filarmonisë të Plevenit nën drejtimin e Jordan Kamxhallovit

Foto: sofiaweeks.com

Orkestra e filarmonisë e Plevenit është sërish e ftuar në skenën e Sofjes, këtë herë me një koncert në kuadër të Festivalit Ndërkombëtar “Javët e Muzikës të Sofjes” më 29 qershor.Nën shkopin e dirigjentit Jordan Kamxhallov do të tingëllojnë suita “Zhar ptica” /Feniksi/ nga Stravinsky dhe Koncert për violinë dhe orkestër nga Bramsi me soliste Zornica Illarionova:

“Jam shumë e lumtur se për herë të radhës kam mundësinë të ekzekutoj me filarmoninë e qytetit Pleven. Për mua  kjo është një orkestër shumë speciale, me të cilën ekzekutoj qëkurse kam qenë 10 vjeçe. Këto ishin koncertet e mia të para me orkestër.

Gjithmonë është një kënaqësi për mua të ekzekutoj dhe me maestro Kamxhallovin, i cili më ndihmoi shumë në vitet e zhvillimit tim. Dihet se ai ka fondacion për të ndihmuar zhvillimin e talenteve të rinj bullgar, kurse unë qesh mes laureatëve të parë të këtij fondacioni. Gjatë viteve ai vazhdon të më përkrahë për pjesëmarrje në konkurse ndërkombëtare dhe në klasa shumë të rëndësishme të mjeshtërisë.”

Gjatë këtij viti Zornica fitoi çmime të reja, përgatiti programe të reja, incizoi video me interpretime të saj. Del se ka dhe akoma shumë lajme të tjera të mira rreth saj:

“Ditë të numëruara pas koncertit në sallën “Bëllgaria” nisem për në Granada-Spanjë, ku do të zhvilloj një klasë mjeshtërie për violina, në kuadrin e festivalit “Leonel Morales&Friends. Gëzohem shumë se do të mund të punojë me talent të rinj të mrekullueshëm. Aty zhvillohet  dhe edicioni i parë i konkursit ndërkombëtar për violinistë deri në moshën 22 vjeç, kurse unë do të kem nderin të jem në juri. Edhe një lajm tjetër i gëzueshëm erdhi përpara disa ditëve nga konkursi ndërkombëtar dhe festivali Mimas Misic Festival. Fitova çmimin e parë në grupin e profesionalistëve. Më 26 gusht, në kuadrin e festivalit do të kem një koncert në Procida, kryeqyteti kulturor i Italisë  për vitin 2022. Një pjesë nga dekorata janë dhe koncertet në Madrid dhe Napoli, të cilat i pres me një padurim të madh. Po e shfrytëzoj rastin të ftoj publikun e kryeqytetit më 17 korrik në parkun-teatër Kopshti i Borisit. Me simfonietën – Vraca, dirigjent Maksim Eshkenazi, do të prezantojmë koncertin-spektakël Vivaldi përgjithmonë, regjisor është Boris Radev. Por, përpara kësaj është koncerti më 29 qershor, për të cilin jam shumë e entuziazmuar dhe shpresoj që të jetë po kaq i suksesshëm sa ishte në qytetin Pleven.

Besoj se përsëri do të kemi shkak për emocione pozitive dhe një energji të shkëlqyer, kështu qe të mund të gëzojmë publikun, i cili do të vijë që të na dëgjojë.”

Përgatiti në shqip: Nataniela Vasileva

Foto: sofiaweeks.com




Последвайте ни и в Google News Showcase, за да научите най-важното от деня!

Më shumë nga rubrika

Në "Plladnej" grupi JazzBoree përsëri pi ujë nga pusi i folklorit bullgar

Muzikantët nga grupi JazzBoree gërsheton traditën dhe modernitetin në këngët e tyre. Kështu ndodh edhe në atë të fundit – “Plladnej” (“Mesdita”), frymëzuar nga historitë tona popullore të dashurisë. Këngëtarja Savina Pllamenova është autore e muzikës..

botuar më 25-03-19 6.45.PD

Orkestra Filarmonike e Sofjes do të performojë për herë të tretë në Sallën e Artë të Musikverein - Vjenë

Më 17 mars, Orkestra Kombëtare Filarmonike dhe kryedirigjenti i saj do të jenë sërish të ftuar në sallën legjendare të Artë të Shoqatës së Muzikës së Vjenës - Wiener Musikverein. Nën dirigjimin e Najden Todorovit do të tingëllojë Koncerti për Trumbetë..

botuar më 25-03-15 7.30.PD

Në Ruse fillojnë Ditët Muzikore të Marsit

Sot në Ruse fillon edicioni i 64-të i Festivalit Ndërkombëtar të Muzikës “Ditët Muzikore të Marsit”. Ai do të zgjasë deri më 31 mars. Në kuadrin e aktivitetit do të mbahen njëzet e tre koncerte me vepra nga Rilindja dhe Baroku deri te muzika..

botuar më 25-03-14 8.25.PD