Rriten shanset për formimin e qeverisë, deklaroi pas negociatave me mandatarin BSP, bashkëkryetari i “Bullgarisë Demokratike” Hristo Ivanov. Sipas tij, çështja kyçe është arritja e një ekuilibri mes “Ka një popull të tillë” dhe “Po e vazhdojmë ndryshimin”, për të shmangur zgjedhjet e reja në kushtet e një sërë krizash.

“Bullgaria Demokratike” do të vendosë saktësisht se çfarë mbështetje do t’i japë një kabineti të ri të mundshëm, pasi të përvijohet i gjithë konfigurimi. “Duke diskutuar mandatin e parë punuam me kandidat kryeministër Asen Vasilev, kështu që kjo nuk është temë për ne”, tha Hristo Ivanov.

Nga ana e saj, kryetarja e BSP-së, Kornelija Ninova, tha se të hënën do të nisë faza e dytë e negociatave - për strukturën dhe përbërjen personale të Këshillit të Ministrave. Ajo konfirmoi qëndrimin e të gjitha palëve me të cilat u bisedua, se kryeministri duhet të propozohet nga forca e parë politike “Po e vazhdojmë ndryshimin”. “Jemi në negociata shumë delikate dhe të vështira, por me dialog, arsye dhe bindje shpresoj të arrijmë sukses”, theksoi kreu i BSP-së.

• Pas takimit BSP-ITN: Formohet një mazhorancë kundër korrupsionit