Kryeinspektori Shtetëror Shëndetësor Angell Kunçev do të propozojë reduktimin e karantinës për Covid-19 në 5 ditë. “Mund të flasim për 7 ditë apo 5”, tha ai për gazetën “24 Çasa”. Kunçev theksoi se është e qartë se dy të tretat e sëmundshmërisë është “e padukshme” dhe nuk hyn në regjistra, prandaj masa e izolimit nuk është efektive. Sipas tij, nëse një person ndihet mirë, mund të marrë masa - të mbajë maskë, të mbajë distancë pa qëndruar në shtëpi. “Kjo nuk është më e nevojshme. Thjesht virusi nuk është ai që ishte në fillim të vitit 2020”, tha Kunçev.

Aktualisht, të gjithë të infektuarit me Covid-19 të konfirmuar i nënshtrohen izolimit 10-ditor dhe kontaktet e tyre në 7-ditor.