Për herë të parë në qytetin Stara Zagora, po zbulojmë një objekt varrimi në shkallë të tillë – tha Petar Kallçev, drejtor i Muzeut Historik Rajonal në qytet, për BNR Stara Zagora në lidhje me gjetjen arkeologjike nga koha e Augusta Trajana antike. Ajo u zbulua aksidentalisht gjatë punimeve të riparimit hidraulik në qytet.

• Qyteti Stara Zagora është finalist për “oskarët” turistikë ballkanikë

Vendi, i cili ka tërhequr vëmendjen e historianëve, përfshin një faltore dhe një varr në të cilin supozohet të jetë vendosur një martir ose banor i hershëm i krishterë i qytetit antik. Pozita e lartë që ky njeri mbante në shoqëri tregohet nga fakti se për ndërtimin e varrit u investuan shumë mjete. Historianët e datojnë objektin midis shekujve II dhe III pas Krishtit. Kanë për t’u analizuar eshtrat nga një antropolog, i cili do të përcaktojë numrin e saktë të trupave në varr. Në dhomë u zbuluan një pjesë e një gjerdani ari, një kuti bizhuterish prej bronzi, enë qelqi për ruajtjen e lëngjeve aromatike, si dhe një filxhan qeramike me një dekorim të veçantë.

Pas restaurimit dhe konservimit, objekti do të jetë i hapur për banorët dhe mysafirët e qytetit.

Përpilues: Joan Kolev

Përgatiti në shqip: Svetllana Dimitrova