“Bullgargaz” kërkon rritje të çmimit të gazit natyror dhe propozon që në gusht ai të jetë 152 euro (297.89 leva) për MWh, thuhet në faqen e internetit të kompanisë. Rritja e propozuar është rreth 60 për qind mbi çmimin për korrikun - 95 euro (186.17 leva) për MWh.

Shkak për rritjen e çmimit janë çmimet e larta me të cilat kompania shtetërore blen karburantin blu. Për krahasim, çmimet në tregjet evropiane të gazit për dërgesat në gusht 2022 tejkalojnë 171 euro për MWh, saktësojnë nga “Bullgargaz”.

Komisioni për Rregullimin e Energjisë dhe e Ujit nuk ka caktuar ende një datë për një diskutim publik të propozimit të “Bullgargaz”.

“Nuk mund të përjashtojmë ndonjë furnizim me gaz nga Rusia. Ata po realizohen edhe tani - përmes kompanive të tjera ruse ose filialeve”, komentoi për BNR Ilijan Vasilev, ish-Ambasador i Bullgarisë në Rusi nga viti 2000 deri në 2006.