Presidenti Rumen Radev prezantoi qeverinë e tij të katërt të përkohshme, e cila merr pushtetin para zgjedhjeve të jashtëzakonshme parlamentare të 2 tetorit.

“Ju keni për detyrë të drejtoni një Kabinet me sfida që u kursyen nga kabinetet e mëparshme teknike. Sfida juaj kryesore ka të bëjë me sigurinë”, tha Radev. Një luftë po zhvillohet, pasojat e së cilës po ndihen. Tensionet në Ballkan po rriten sërish. Prioriteti juaj i parë është të parandaloni që vendi të tërhiqet në një konflikt ushtarak”, theksoi presidenti.

Krahas anëtarësimit të Bullgarisë në Zonën Shengen dhe punës për Planin e Rimëkëmbjes dhe Zhvillimit, si prioritete për kabinetin, kreu i shtetit tregoi: sigurinë e furnizimeve me energji dhe çmimet e tyre; kontrollin e çmimeve të ushqimeve; zbulimin e të gjithë të vërtetën për ndërtimin e autostradës “Hemus” e projekte të tjera të mëdha korrupsioni.

Qeveria e përkohshme nuk është një ekip “B”. Qeveria e njëqindtë e vendit nuk do të ketë 100 ditë tolerancë. Përgjegjësia ndaj njerëzve dhe besimi do të më pengojnë të humbas ekuilibrin. Kështu e përshkroi veten dhe pritshmëritë për punën e ardhshme të kabinetit, Kryeministri në detyrë Gëllëb Donev.

“Unë pres punën e 100 për qind të kolegëve ministra - organizimin dhe zhvillimin e zgjedhjeve të drejta, rivendosjen e besimit midis institucioneve, gjetjen e një rrugëdaljeje nga të gjitha krizat e trashëguara, uljen e tensionit politik, vazhdimin e punës për Planin e Rimëkëmbjes dhe Qëndrueshmërisë”, shtoi Donev.

• Presidenti caktoi zgjedhjet parlamentare për 2 tetorin dhe emëroi një qeveri të përkohshme