Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Zhivko Zhelev: Gjithmonë ëndërroj të krijoj këtu në Dobruxhë, ku janë rrënjët e mia

Foto: arkiv personal

Vendlindja e tij Dobruxha është frymëzimi për idetë krijuese të muzikantit tonë të njohur Zhivko Zhelev, i cili së fundmi mbushi 60 vjeç. Dobruxha është mjedisi i tij jetësor dhe profesional, pavarësisht ofertës serioze për punë në Ansamblin Folklorik Kombëtar “Filip Kutev”, të cilën e mori pas diplomimit në Shkollën Kombëtare të Arteve Folklorike në Kotell. Veprimtaria e tij muzikore është e shumanshme - fyelltar, aranzhues, dirigjent, autor i veprave për repertorin e Ansamblit të Këngëve dhe Valleve Popullore “Dobruxha” - Dobriç, drejtor artistik i së cilës është. Krahas kësaj ai është themelues dhe udhëheqës i orkestrës “Biseri” (Perlat), për të cilën aranzhoi dhe regjistroi këngë të këngëtarëve të njohur Kalinka Vëllçeva, Radostina Këneva, Todor Kozhuharov, Stojan Varnaliev e shumë të tjerë.

''Frymë''

I njohur është përkushtimi i Zhivko Zhelevit ndaj folklorit të krahinës Dobruxha. Duke ndjekur me vendosmëri traditën vendase, idetë e tij prej kompozitori i zgjeron me eksperimente interesante si instrumentist dhe autor bashkë me djalin e tij, pianistin Pllamen Zhelev. Në vitin 2014 fitoi çmimin e madh të Konkursit “Të këndojmë” të Programit “Hristo Botev” të Radios Kombëtare Bullgare.

“Njeriu që më orientoi te muzika ishte babai im - tregon Zhivko Zelev në një intervistë për Radio Bullgarinë. - Kur isha në klasën e 6-të, mësuesi i muzikës më testoi në piano dhe i këshilloi babait se duhet të merresha me muzikë. Kisha dëshira të tjera - bullgarisht dhe rusisht i mësova me lehtësi, madje mendova të studioja filologji, por babai më regjistroi në një shkollë në fshatin Gjeneral Toshevo. Mësuesi im i parë ishte Boris Brëmçijski, ndërsa në Shkollën në Kotell – Stojan Çobanov dhe Georgi Penev, ata më bënë për të dashuruar muzikën. Në fillim luaja në kavall, pastaj u interesova të bëja aranzhime për Orkestrën “Biseri”, për Ansamblin “Dobruxha”. Deri më sot, krenaria ime më e madhe është të bëj muzikë së bashku me djalin tim. Veprat tona të fundit janë në një stil tjetër me piano, fyell, kuartet këngëtarësh. Në kërkimet tanë për ide interesante na bashkohet edhe nusja ime, soliste e operave të Varnës dhe të Sofjes. Mundohemi t’i bëjmë me mjeshtëri dhe të pëlqehen. Populli ynë ka shije për gjërat e mira. Megjithatë, është e detyrueshme të kalojmë nëpër krijimtarinë e paraardhësve tanë që lanë një trashëgimi të madhe. Gjatë viteve më emocionuan më shumë koncertet, ndërsa së fundmi më preokupojnë incizimet. Për më shumë se 15 vjet merrem me regjistrimin e muzikës dhe aranzhime prej autori, ky është emocioni im më i madh. Puna me kolegët dhe dëgjimi i rezultatit përfundimtar është i rëndësishëm në këtë proces. Pra, të lësh diçka pas që të rinjtë të kenë nga ku të nxjerrin ide dhe të zhvillojnë veten e tyre - kjo është çështja. Shpresoj të kem kontribuar në ruajtjen e muzikës së vërtetë të krahinës Dobruxha, sepse e dua shumë. Ëndrra ime është që gjithmonë të punoj dhe të krijoj këtu në Dobruxha, ku janë rrënjët e mia dhe ndihem më i fort.”

''Dy halla dredhin vallen''

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Stefan Diomov

Kompozitori i dashur Stefan Diomon feston jubileun e tij të 80-të

Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të këngëtarëve dhe grupeve tona më të njohura, por kompozitori krijon edhe muzikë për dokumentarë, shfaqje..

botuar më 25-02-16 6.05.PD

"Dashuria dhe vera"

Kënga "Dashuria dhe vera" u interpretua nga ylli i muzikës pop bullgare Jordanka Hristova në vitin 2023, disa ditë para 14 shkurtit. Si data, ashtu edhe kënga bashkojnë dy festa - të verës dhe të dashurisë: “ Çfarë është vera pa dashuri? Çfarë është..

botuar më 25-02-14 6.00.PD
Hristo Jocov

Prof. Hristo Jocov – mes klasikës dhe xhazit, ku historitë përjetohen

"Një koncert me muzikë origjinale është një mënyrë e shkëlqyer për të festuar ditëlindjen," thotë me buzëqeshje një nga muzikantët më të shquar dhe krijues të xhazit në skenën bullgare, perkusionisti Hristo Jocov. Një fjalë e thënë, një gur i hedhur (Që..

botuar më 25-02-13 9.05.MD