Më shumë se 16 000 aplikime janë dorëzuar për votimin jashtë vendit në zgjedhjet e 2 tetorit, më shumë se 10 000 janë regjistruar në Turqi. Bullgaria ka marrë tashmë leje nga 48 vende për të mbajtur votimin parlamentar. Autoritetet çeke nuk kanë lejuar hapjen e seksioneve jashtë Ambasadës Bullgare në Pragë. Me këtë rast, Sekretari i Përhershëm i MPJ-së, Ivan Kondov, ka bërë të ditur se po kërkohet opsion që në ambasadë të formohen edhe tri seksione. Ai u bëri thirrje qytetarëve bullgarë që të paraqesin numrin maksimal të aplikimeve për të lehtësuar dhe përshpejtuar procesin e votimit. Gjithashtu, pas përfundimit të Ligjit të Gjendjes së Jashtëzakonshme, nuk do të mund të votohet me dokumente personale të cilave u ka skaduar afati i vlefshmërisë.

Nuk ka plane për hapjen e qendrave të votimit në Ukrainë. Tani për tani nuk ka leje për hapjen e konsullatës sonë të përgjithshme në Odesë, por qeveria e përkohshme ka nisur një procedurë për hapjen e punës së misionit tonë diplomatik në Kiev, tha zëvendësministri i Punëve të Jashtme Kostadin Koxhabashev. Nëse kushtet lejojnë, ekipi i parë diplomatik do të largohet në fillim të shtatorit, ndërsa ai i dytë në fund të muajit shtator.