Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Raketa e re e NASA-s është e pajisur me videokamera bullgare

Foto: BGNES

Në ndërtimin e raketës së re të NASA - SLS, Space Launch System е gjatë 98 metra ka katërmbëdhjetë kamera të bëra nga inxhinierë bullgarë, njoftoi BTA.

Sot, gjatë fluturimit të parë të raketës Artemis 1, nga Kompleksi Launch 39B në Qendrën Hapësinore Kennedy në Florida, instrumentet optike do të kontrollojnë funksionimin e motorëve, lëshimin e karburantit, shkëputjen e fazave dhe lëshimin e kapsulës së re të zbritjes “Orion”.

Kamerat që do të monitorojnë fluturimin për në Hënë janë nga linja Bobcat dhe projektuesi kryesor i tyre është Inxhinieri Dr. Petko Dinev - nxënës i fizikanit të njohur Teodosi Teodosiev nga shkolla e mesme matematikore në Kazanllëk. Ato janë prodhuar në firmën e Dr. Petko Dinev dhe mund të përballojnë temperatura nga minus 40 në plus 85 gradë, dridhje shumë të forta dhe përshpejtimin 100 herë më të lartë se në tokë. Bashkatdhetari ynë është autor, përveç konstruksionit, edhe i kodit dhe skemës së pajisjes optike hapësinore dhe të gjitha tabelat e kamerave janë testuar në Bullgari.

“Me krenari mund të themi se produktet janë vepër e mendjes dhe duarve bullgare”, vëren Petko Dinev. Ai është doktor shkencash në SHBA dhe ka punuar në një laborator në Stara Zagora, ku kanë bërë sisteme për vendndodhje me lazer për të zbuluar satelitët spiun të SHBA-së.

Në firmën e tij, Dinev aktualisht prodhon, përveç kamerave dhe kartave video për digjitalizimin e informacionit kompjuterik dhe sisteme për kontrollin automatik të prodhimit.



Последвайте ни и в Google News Showcase, за да научите най-важното от деня!

Më shumë nga rubrika

Bullgaria është ndër pionierët në përfshirjen e mësimit kontekstual të bazuar në Inteligjencën Artificiale

Njeriu po liron gjithnjë e më shumë hapësira për teknologjitë, të cilat ai i menaxhon me aftësi dhe i mban nën kontrollin e tij. Në këtë hapësirë të përbashkët, me hapa të shpejtë, po gjen vend inteligjenca artificiale. AI, siç e quajmë shkurt, vitet e..

botuar më 25-04-03 8.05.MD

Industria bullgare e konservimit tani ka festën e saj

Për herë të parë sot, 3 prilli, do të festohet Dita e Industrisë Bullgare të Konservimit. Ngjarja festive do të zhvillohet në Universitetin e Teknologjisë Ushqimore në Plovdiv (Bullgaria Jugore). Do të mbahet edhe një tryezë e rrumbullakët me..

botuar më 25-04-03 5.55.PD

Ura e Plazhit të Burgasit do të ndizet blu për Ditën Botërore të Ndërgjegjësimit për Autizmin

Në shenjë ndjeshmërie për personat me autizëm, më 2 prill, Ura е Plazhit të Burgasit në Detin e Zi do të ndriçohet me ngjyrë blu, njoftoi Bashkia e qytetit Burgas. Kjo ditë u caktua në vitin 2007 nga Asambleja e Përgjithshme e OKB-së. Qëllimi është që..

botuar më 25-04-02 5.05.PD