Klima biznes në Bullgari u përkeqësua me 3.4 pikë në gusht në krahasim me korrikut, tregon anketa tradicionale e Institutit Kombëtar të Statistikave.

Mjedisi i pasigurt ekonomik mbetet faktori kryesor në përkeqësimin e pritjeve për zhvillimin e koniunkturës ekonomike në muajit në vijim.

Sipërmarrësit e sektorëve “industri”, “ndërtim”, “tregti me pakicë” dhe “shërbime” theksojnë se presin uljen e kërkimit dhe të porosive në sektorët e tyre.

Pamjaftueshmëria e krahut të punës dhe konkurrenca gjithashtu janë ndër faktorët, për shkak të të cilave drejtuesit bëjnë parashikime gjithnjë e më pesimiste për zhvillimin e ekonomisë në muajit në vijim.

• Mungesa e personelit dhe përqindja e lartë e njerëzve aktivë jashtë sistemeve publike – probleme në tregun e punës në vendin tonë

Sipërmarrësit në ndërtim tregojnë si një problem edhe çmimet e materialeve, ndërsa tregtarët me pakicë – porositë për furnitorët.

Indeksi që cakton klimën e biznesit në industri u ul në gusht me 3.4 pikë në krahasim me korrikun, kur u rrit me 2.1 pikë.

Gjatë gushtit 2022 treguesi “biznes klima në ndërtim” ruajti nivelin nga korriku kur u ul me 2.9 pikë.

• Çmimet e pronave të banimit do të vazhdojnë të rriten

Treguesi kryesor “klima e biznesit në tregtinë me pakicë” ra gjatë gushtit me 9.0 pikë, pas një rritjeje të lehtë me 0.7 pikë në korrik, ndërsa treguesi kryesor “klima e biznesit në sektorin e shërbimeve” u ul me 1.0 pikë pasi u stabilizua një muaj më parë.

Në këtë sfond Agjencia Ekzekutive për Inkurajimin e Ndërmarrjeve të Vogla dhe të Mesme zhvillon një fushatë informative për njohjen e përfaqësuesve të bizneseve të vogla dhe të mesme me mundësitë për aplikimin me projekte në kuadrin e Planit të Rimëkëmbjes. 

• Sfida sot: rritja ekonomike pavarësisht turbulencat politike

Masa e parë në kuadër të Planit Kombëtar për Rimëkëmbjen dhe Qëndrueshmërinë, që do të zbatohet nga Drejtoria e Përgjithshme “Fondet Evropiane për Konkurrueshmërinë” pranë Ministrisë së Inovacionit dhe Rritjes, është “Modernizimi Teknologjik”. Një total prej 260 milionë leva do të investohen nëpërmjet tij, dhe shuma e grantit mund të arrijë nga 180 000 leva deri në 700 000 leva, në varësi të madhësisë së ndërmarrjes. Aplikimi në program do të bëhet tërësisht online deri më 21 shtator. Kompanitë duhet të jenë të regjistruara jo më vonë se data 31 dhjetor 2019, të kenë realizuar të ardhura vjetore neto nga shitjet për tri vitet e fundit në shumën mbi 210 000 leva për ndërmarrjet mikro, mbi 750 000 leva për ndërmarrjet e vogla dhe mbi 3 milionë leva për ndërmarrjet e mesme.

Procedura është e orientuar te kompani në katër nga sektorët ekonomikë të vendit – industri përpunuese, furnizim të ujit, shërbime të kanalizimeve, administrim të mbetjeve dhe rikuperim, krijim dhe shpërndarje të informacionit dhe projekteve kreative, telekomunikacione dhe aktivitete profesionale dhe kërkime shkencore.

Nëse Plani i Rimëkëmbjes do të luajë rolin e brezit shpëtues për firmat më të vogla në Bullgari? Në një intervistë për BNR ekonomisti dhe konsulent financiar Kuzman Iliev shprehu skepticizëm në lidhje me mundësitë e administratës bullgare të ndihmojë absorbimin e mjeteve evropiane. “Ndoshta njerëzit nga administrata janë të shqetësuar nga pasiguria politike. Ne jemi duke u ngadalësuar dhe nuk do të jetë e çuditshme në se do të humbasim qindra milionë leva edhe këtë vit” - theksoi ai.

Redaktore: Elena Karkallanova

Përgatiti në shqip: Svetllana Dimitrova

Foto: Pixabay, arkiv