Më shumë se 50 800 bullgarë jashtë vendit kanë aplikuar për të votuar në zgjedhjet e parakohshme parlamentare të 2 tetorit, njoftoi KQZ. Më së shumti - 26 mijë, janë ata që dëshirojnë të ushtrojnë të drejtën e votës në Turqi, pasuar nga bashkatdhetarët tanë në Britaninë e Madhe - 4900, në Gjermani - 4400 dhe në Shtetet e Bashkuara - 2300. Pritet që qendrat e votimit jashtë vendit të jenë njësoj si në zgjedhjet e kaluara, tha për BNR zëdhënësi i komisionit Cvetozar Tomov. Në nëntor të vitit të kaluar qendrat e votimit ishin 750 në 68 vende. “Do të ketë makineri kudo ku kanë votuar 300 ose më shumë votues në zgjedhjet e mëparshme. Ndoshta do të jenë pak nën 300 seksione”, tha Cvetozar Tomov.