Bullgaria kërkon saktësi nga Komisioni Evropian për masat e sigurisë energjetike nëpërmjet kursimeve të energjisë elektrike. Vendi ka synimet e veta për diversifikimin e burimeve të energjisë dhe sigurimin e stabilitetit, tha në Varna Ministri i Energjetikës në detyrë Rosen Hristov. Ai asistoi në hapjen e vitit shkollor në Shkollën e Mesme Profesionale të Ndërtimtarisë dhe Arkitekturës, nga e cila është maturant.

“Gazprom” nuk është faqe e mbyllur, por nuk ka përparim të konsiderueshëm në negociata dhe ne do t’ia dalim pa to, tha Hristov. Ai pret ulje të çmimeve të gazit në nëntor, me afro 10 për qind. Nëse krahasoni çmimet për muajin shtator dhe tetor, me dërgesat që kontraktuam, diferenca është e konsiderueshme, një ulje prej 30 për qind, theksoi ministri.