“Kompania Kombëtare Elektrike” dhe Centrali Elektrik Bërthamor “Kozlloduj” të vazhdojnë punën sipas marrëveshjeve të tyre dhe kontratave të prokurimeve publike me kompanitë ruse. Kështu vendosi kabineti zyrtar, pasi BE-ja lejoi Bullgarinë të përdorë përjashtime për këtë çështje nga sanksionet antiruse, shkruan gazeta “24 çasa”.

Energjia bërthamore nuk ka gjasa të përfshihet në paketën e re të sanksioneve të BE-së kundër Rusisë, shkruan “Politiko”. Publikimi i referohet një burimi diplomatik në Bruksel se Bullgaria është kundër këtyre sanksioneve, pasi vendi eksporton energji elektrike në Greqi dhe në Ballkanin Perëndimor, të prodhuar në një termocentral bërthamor që funksionon me teknologji ruse.