Nëse partia "Ngritja bullgare" hyn në parlamentin e ardhshëm, tema e rëndësishme për partinë do të jetë formimi i një qeverie të re – prej ekspertësh, ose një qeveri e unitetit kombëtar ose e shpëtimit kombëtar, e cila do ta çojë Bullgarinë përmes krizave të shumta. Këtë e tha para BNR-së lideri i "Ngritjes bullgare" Stefan Janev, ish-kryeministër teknik dhe ministër i mbrojtjes, i cili u zëvendësua nga kryeministri Kirill Petkov pasi Janev e quajti luftën në Ukrainë një "operacion special ushtarak" sipas fjalëve të Vladimir Putinit.

Janev deklaroi se është i kënaqur me rezultatin zgjedhor, pasi partia e tij është e re. "Shpresoj se zgjedhjet e ardhshme do të jenë jo më herët se një vit," tha gjithashtu ai.