U kemi premtuar votuesve tanë shumë qartë se nuk do të bëjmë koalicion me GERB-in dhe DPS-në dhe do ta përmbushim premtimin tonë, tha para gazetarëve bashkëkryetari i "Po e vazhdojmë ndryshimin" dhe ish-kryeministër Kirill Petkov.

Duke komentuar vendin e dytë të zënë nga "Po e vazhdojmë ndryshimin", bashkëkryetari Asen Vasilev deklaroi: “Ne nuk e miratojmë mënyrën se si ata /GERB/ kanë qeverisur vendin, por qytetarët bullgarë e shprehën qartë pozitën e tyre”. Ai vuri në dukje se partia e tij do të vazhdojë të mbrojë qëndrimet e saj përmes mjeteve që i jep parlamenti. "Ajo për të cilën do të luftojmë është ajo që kemi deklaruar në fushatën tonë zgjedhore. Ne duam që Bullgaria të jetë një vend evropian, me një buxhet social që nuk lejon që paratë të shpenzohen në mënyrë të errët". Vasilev i uroi GERB-it sukses në formimin e një qeverie në prag të dimrit të ashpër përpara. "Nëse nuk kemi një qeveri të qëndrueshme, të gjithë bullgarët do të vuajnë, pavarësisht se kush ka votuar për kë," shtoi ai.