Kampioni i ri botëror në matematikën e shpejtësisë mendore për fëmijë deri në 12 vjeç është Kallojan Geshev. Ai është nxënës nga Sofja. Në kampionatin botëror të zhvilluar në qytetin Bilefeld të Gjermanisë, djali arriti 2217 pikë të pabesueshme, me të cilat fitoi medaljen e artë dhe titullin botëror.

Kallojan Geshev zgjidhi problemat e mbledhjes, zbritjes, shumëzimit, pjesëtimit, rrënjëve katrore, rrënjëve kubike, thyesave, konvertimit të monedhës, shndërrimit të njësive matëse, llogaritjes së datave kalendarike dhe shumë të tjera në më pak se dy orë. Ai kishte vetëm një fletë për të regjistruar zgjidhjet.

Në konkurs morën pjesë 56 fëmijë nga 13 shtete dhe për herë të dytë në historinë e tij fitoi një fëmijë nga Evropa.