Çmimi i gazit natyror që do të kërkojë “Bullgargaz” për muajin nëntor do të ulet në 90-100 euro për megavat orë, parashikon kryetari i Rregullatorit të Energjisë Ivan Ivanov. “Depot evropiane të gazit janë plot 91 për qind. Për këtë arsye, pavarësisht situatës së komplikuar në Ukrainë, besoj se mundësitë e Vlladimir Putinit për të përdorur gazin natyror si armë u sosën. Përveç përgatitjes së Evropës për sezonin e ngrohjes, Gjermania do të nisë dy terminale rigazinifikimi në bregdetin e saj verior fjalë për fjalë brenda një muaji. Në të njëjtën kohë, gazsjellësi Norvegji-Danimarkë-Poloni dhe interkonektori ynë tashmë funksionojnë dhe Evropa po çlirohet nga gazi natyror rus”, theksoi Ivanov.