Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Vesko Eshkenazi për videon e re nga projekti "Në botën e muzikës"

7
Foto: Didi Andreeva

Koncertmasteri i Orkestrës Concertgebouw Vesko Eshkenazi, fizarmonicistja Veronika Todorova dhe dirigjenti Georgi Miltiadov prezantuan para pak kohe videoklipin e tyre të parë të përbashkët. Pjesa muzikore, në bazë të së vilës është xhiruar klipi, është vepër e Veronikës, e ka emrin “Dance on the River” dhe është pjesë e projektit "Në botën e muzikës.

Ja se çfarë tha para mikrofonit të Radio Bullgarisë Vesko Eshkenazi:

"Në botën e muzikës" është një program që lindi vitin e kaluar, kur fizarmonicistja jonë e mrekullueshme u ftua si soliste në koncertin tim përvjetor. Më pas të dy kuptuam se kontakti ynë krijues duhet të ketë një vazhdimësi. Interpretojmë vepra të Johann Sebastian Bach, kalojmë përmes epokave të ndryshme të muzikës klasike, e në fund madje prezantojmë orkestrime muzikore të këngëve nga repertori i Freddie Mercury, Michael Jackson etj. Është vërtet “Në botën e muzikës”. U jam shumë mirënjohës muzikantëve të Filarmonisë së Plevenit për mbështetjen e tyre, si dhe dirigjentit Georgi Miltiadov, autor i të gjitha aranzhimeve të bëra posaçërisht për violinë, fizarmonikë dhe orkestër simfonike. Gjëja tjetër që është shumë e rëndësishme të ndajmë: sërish me mbështetjen e Filarmonisë së Plevenit, arritëm të realizojmë një video për pjesën e mrekullueshme “Dance on the River”. Ne zgjodhëm ta filmonim në një nga këndet më të bukura bullgare - Ballkanin Trojan, fshatin Debnevo, ku natyra është jashtëzakonisht piktoreske”.

Në klipin që mund ta shihni, në piano luan Georgi Miltiadov, autori i këtij aranzhimi. Muzika, duke ndërthurur xhazin me meloditë dhe ritmet bullgare, sjell shumë energji, gëzim dhe pozitivitet. Plotësohet nga dekori natyror, pylli, lumi dhe kombinimi interesant i timbreve.

Përgatiti në shqip: Vesella Mançeva

Foto: Didi Andreeva



Последвайте ни и в Google News Showcase, за да научите най-важното от деня!

Më shumë nga rubrika

Opera botërore pret një rekord të ri nga bullgarja Sonja Jonçeva

Më 24 nëntor Sonja Jon[eva për herë të radhës debutoi shkëlqyeshëm në skenën e Metropolitan Operas në Nju Jork. Ajo tashmë e ka interpretuar rolin e Maddalena nga “André Chénier” i Umberto Giordanos në La Scala të Milanos në vitin 2023 dhe në Operën..

botuar më 25-11-27 8.20.MD

Veselin Marinov me katër koncerte radhazi para publikut në Sofje

Adhuruesit e muzikës pop dhe pranisë ekspresive skenike me siguri mezi presin takimin para Krishtlindjeve me Veselin Marinov. Tashmë është një traditë e gjatë që këngëtari të japë një koncert në Pallatin Kombëtar të Kulturës (NDK) para festave të..

botuar më 25-11-25 8.10.PD
Kuadër nga filmi “Djali po largohet”

Kryevepra të kulturës muzikore bullgare: Kënga “Njerëz dhe rrugë” nga filmi i paharrueshëm “Djali po largohet”

Përgatiti në shqip dhe publikoi: Svetllana Dimitrova Foto: bc-bg.com, архив, Facebook/ Podkasti “Filmoteko”

botuar më 25-11-21 6.55.PD