Të gjitha pagesat sociale janë të siguruara për vitin e ardhshëm me zgjatjen e buxhetit aktual, siguroi nga tribuna e Kuvendit Popullor zëvendëskryeministri për politikën sociale Llazar Llazarov. Në përgjigje të formacionit “Po e vazhdojmë Ndryshimin”, i cili kërkoi që të paraqitet një projekt buxhet i ri, ai tha se kompetencat e qeverisë së përkohshme nuk përfshijnë bërjen e politikave dhe kjo duhet të bëhet nga një kabinet i rregullt.

Ministri tha gjithashtu se nuk do të ketë ulje pagesash dhe se pensionet janë të garantuara. “Vija zyrtare e varfërisë për vitin 2023 është 22 për qind më e lartë se kufiri i varfërisë këtë vit, gjë që tregon se proceset inflacioniste janë plotësisht të mbuluara”, theksoi Llazar Llazarov.