Kalimi drejt neutralitetit klimatik duhet të jetë i menduar mirë, i qetë, i drejtë nga pikëpamja sociale dhe ekonomike, në mënyrë që të rrisë mirëqenien e njerëzve, jo ta zvogëlojë atë. Këtë e deklaroi presidenti Rumen Radev para gazetarëve në Egjipt, ku merr pjesë në Konferencën e 27-të të palëve të Konventës Kornizë të OKB-së për ndryshimet klimatike.

Radev theksoi se vendi ynë riktheu ndikimin e tij në rajon me vënien në punë të lidhjes së gazit Greqi-Bullgari, por ka dhe duhet të përdorë potencialin e tij jo vetëm për transferimin e burimeve të energjisë. Sipas tij, vendi ynë mund të bëhet lider rajonal në prodhimin e energjisë të së ardhmes - hidrogjenit të gjelbër. “Duhet të punojmë shumë me partnerët tanë që Bullgaria të mos jetë vetëm një territor përmes të cilit transferohen burimet energjetike. Ne mund të jemi një vend që prodhon energjinë e së ardhmes. I kemi të gjitha parakushtet si burimet natyrore ashtu edhe potencialin shkencor”, theksoi presidenti.