Sindikatat kombëtare Konfederata e Sindikatave “Podkrepa” dhe Konfederata e Sindikatave të Pavarura në Bullgari dhe formacioni “Po e vazhdojmë ndryshimin” shprehën qëndrimin e përbashkët se duhet të përgatitet një buxhet i ri për vitin 2023, njoftoi BTA. Sipas tyre, kjo është mënyra e vetme për të garantuar rritjen e të ardhurave, duke përfshirë edhe rritjen e pagës minimale. Takimi i tyre u zhvillua në Kuvendin Popullor me iniciativën e “Po e vazhdojmë ndryshimin”. Në të, bashkëkryetari i formacionit Asen Vasilev prezantoi propozimin për buxhetin e vitit 2023, i cili parashikon rritje të rroghës minimale nga 710 në 860 leva, si dhe rritje 50 për qind të përfitimeve tatimore për fëmijët. Rreth 2.5 miliardë leva kosto shtesë planifikohen për sistemin e pensioneve. Një deficit prej 2.1 për qind është përfshirë në propozim. Bashkëkryetari i formacionit Kirill Petkov shprehu shpresën se forca e parë politike GERB-SDS do të ndryshojë mendimin e saj dhe do të mbështesë propozimin për paraqitjen e buxhetit të ri.