Komisioni Parlamentar i Mbrojtjes miratoi në lexim të dytë projektligjin për ratifikimin e marrëveshjes për dhënien e ndihmës ushtarake ndërmjet Bullgarisë dhe Ukrainës. Të premten e kaluar, dokumenti u mbështet në lexim të parë në sallën plenare me votat e GERB-SDS, “Po e vazhdojmë ndryshimin”, DPS, “Bullgaria Demokratike” dhe “Ngritja Bullgare”, ndërsa BSP dhe “Vëzrazhdane” votuan “kundër”. Armët që Bullgaria dërgon në Ukrainë nuk janë për front, por për stërvitjen e ushtarëve në vendet anëtare të NATO-së dhe BE-së, njoftoi në atë kohë kryeministri në detyrë Gëllëb Donev. Sipas tij, Ukraina do të marrë armë qitje dhe municione.

Sipas ushtruesit të detyrës së ministrit të mbrojtjes, Dimitër Stojanov, shumica e armëve do t’i jepen drejtpërdrejt Ukrainës, ndërsa pjesa tjetër do të jetë e destinuar për misionin stërvitor në Poloni ose Gjermani. Për dërgimin e armës, megjithatë, kërkohet një hap tjetër - presidenti të lëshojë një dekret që konfirmon ligjin për ratifikim. “Jam kategorik se ajo që parashikohet në të dyja listat nuk do të dëmtojë në asnjë mënyrë aftësitë mbrojtëse të ushtrisë sonë”, komentoi ministri.

Projektligji do të votohet në lexim të dytë në sallën plenare.