Mandati i dytë për formimin e qeverisë së rregullt është duke u zhvilluar, përfundimi i mandatit tonë po afron, tha kryeministri Gëllëb Donev para mbledhjes së parë të qeverisë së përkohshme.

“Po bëj thirrje që të gjithë të përgatisin, në sferën e tyre të kompetencës dhe përgjegjësisë, një raport të shkurtër dhe të qartë për atë që është bërë që nga gushti, me theks të veçantë në vendimet që kanë ndikuar pozitivisht në jetën e njerëzve në Bullgari. Imagjinoni që edhe një fëmijë 6-vjeçar duhet t'ju kuptojë”, u bëri apel Donev ministrave të tij.

Është e qartë se po shkojmë me shpejtësi drejt mandatit të tretë, por le të presim edhe këtë javë, komentoi nënpresidentja Ilijana Jotova për situatën politike.

“Dje e kam dëgjuar me shumë vëmendje të nominuarin për kryeministër Akad. Denkov, i cili duket se ende nuk i ka humbur shpresat, kështu që le të shohim”, shtoi Jotova.

• Filloi skadimi i 7 ditëve të mandatit të dytë për formimin e qeverisë