Në mbledhjen e sotme, Këshilli i Ministrave miratoi një vizion strategjik për zhvillimin e sektorit të energjisë elektrike në vend gjatë viteve 2023-2053. Strategjia synon që Bullgaria të mbetet lider në prodhimin dhe eksportin e energjisë elektrike në rajon. Kjo synohet të arrihet më anë të përdorimit të linjitit vendas deri në vitin 2030 dhe reduktimit gradual të tij deri sa në vitin 2038 të mos përdoret më. Katër reaktorë të rinj bërthamorë do të ndërtohen për të zëvendësuar ata, që do të hiqen nga përdorimi. Dy prej tyre pritet të ndërtohen në vendin e centralit bërthamor Kozlloduj dhe dy të tjere - në Belene. Do të mëshohet mbi zhvillimin e centraleve fotovoltaike, hidrocentraleve dhe turbinave të erës. Një element kyç për të ardhmen është prodhimi i hidrogjenit, që do të zvogëlojë varësinë e Bullgarisë nga importi i gazit natyror.Vlera e parashikuar për zbatimin e të gjitha projekteve të përfshira në strategjinë e re energjetike arrin në rreth 46 miliardë euro.