Rreth 750 qendra votimi pritet të hapen për zgjedhjet e jashtëzakonshme parlamentare jashtë vendit më 2 prill 2023, njoftoi ministri i jashtëm në detyrë, Nikollaj Millkov. Sipas tij, zgjedhjet jashtë vendit sipas planit do të kushtojnë rreth 4 milionë euro, ndërsa zgjedhjet e fundit jashtë vendit kërkonin 3 milionë euro.

Ne duam që të gjithë shtetasit bullgarë jashtë vendit të mund të ushtrojnë të drejtën e tyre për të votuar. Gjërat po bëhen gjithnjë e më të ndërlikuara. Nga Bullgaria do të duhet të dërgohen shumë më tepër njerëz, ndoshta mbi 1000 persona, për shkak të ndryshimeve në Kodin Zgjedhor. Kjo ndoshta do t’i bëjë zgjedhjet më të shtrenjta për shkak të pagave më të larta të anëtarëve të komisionit dhe numrit të madh të të dërguarve, tha Millkov.