Komisioni Qendror i Zgjedhjeve /KQZ/ do të publikojë video-incizimet e numërimit të votave në çdo komision sektorial dhe ato do të jenë në dispozicion të të gjithëve, tha për Televizionin Kombëtar Bullgar (BNT) kryetarja e Komisionit, Kamelija Nejkova. KQZ-ja do t'u japë udhëzime komisioneve sektoriale për të siguruar shikueshmërinë e kamerave gjatë numërimit të votave. Por ende nuk është e qartë sesi do të organizohet teknikisht video-monitorimi dhe sigurimi i tij duhet të vendoset nga Këshilli i Ministrave.

Organizimi i votimit më 2 prill po zhvillohet brenda afatit të parashikuar, siguroi Nejkova dhe theksoi se nuk ka problem me letrën për votimin me makinë. Në fletën e votimit me makinë do të shënohet vetëm partia për të cilën është votuar dhe numri i preferencës, nëse ka një numër të tillë.