Deputeti i GERB-it nga ish-parlamenti i 48-të, Deljan Dobrev, kërkoi urgjentisht mbledhje të parlamentit për t’u kuptuar se kush e dëshiron realisht reformën në drejtësi.

“Duke qenë se të gjitha partitë betohen për besnikëri ndaj reformës në drejtësi dhe fajësojnë njëra-tjetrën për dështimin e saj, unë propozoj që presidenti sipas kompetencave të tij të mbledhë menjëherë parlamentin dhe në 1 javë ta votojmë atë”, - ka shkruar Dobrev dhe ka theksuar: Kështu do të tregojmë realisht kush është pro e kush kundër dhe do të kursejmë shumë fjalë boshe gjatë fushatës!” Thirrja e ish-ministrit të ekonomisë dhe energjisë në Facebook erdhi pasi presidenti tha se deputetët nga parlamenti i 48-të kishin frikë të formonin një qeveri.