Operacioni special, i cili po kryhet në disa zona të Bullgarisë me pjesëmarrjen e mbi 150 policëve, lidhet me raportet e falsifikuara të një kompanie private që ka paraqitur të dhëna të nënvlerësuara për emetimet e serrave nga termocentralet në vend, njoftoi Prokuroria Evropiane. Aksioni i Drejtorisë Kryesore “Lufta kundër Krimit të Organizuar” dhe Agjencisë Shtetërore të Sigurisë Kombëtare po zhvillohet nën mbikëqyrjen e saj, njoftoi korrespondentja jonë në Bruksel, Angelina Piskova.

Prokuroria Evropiane saktëson se nga viti 2017 e deri më tani, kompania me vetëdije ka paraqitur të dhëna të rreme për raportet vjetore pranë autoriteteve kombëtare, në mënyrë që të llogariten vlerat e nënvlerësuara të emetimeve të serave nga termocentralet në fjalë sipas Sistemit të Tregtisë së Emetimeve të BE-së. Sipas dëshmive, kjo rezultoi në humbje për komunitetin dhe buxhetet kombëtare të shteteve anëtare prej miliona eurosh. Bëhet fjalë për shuma të papaguara për emetimet reale të serrave të konsumuara.