Pak para mesnatës, një tren pasagjerësh në Greqi me 350 persona u përplas me një tren mallrash që po vinte përballë. Sipas informacioneve të autoriteteve greke, viktimat e aksidentit në veri të vendit deri tashmë janë janë mbi 40, ndërsa mbi 100 persona kanë mbetur të plagosur, njoftoi Televizioni Kombëtar Grek ERT.

Nga përplasja e dy trenave janë djegur plotësisht dy vagonët e parë të trenit të pasagjerëve. Sipas dëshmive të udhëtarëve, ata kanë qenë plot me njerëz, shumica studentë që janë kthyer në Selanik. Pasagjerët nga vagonët e fundit janë në gjendje të mirë. Me shpresën për të gjetur më shumë të mbijetuar nën rrënoja zjarrfikësit po vazhdojnë të kërkojnë nën dhe rreth tre vagonëve të parë.

Shumica e të plagosurve janë në gjendje të rëndë dhe janë shtruar në spitalet nga Larisa deri në Selanik, vullnetarët po dhurojnë gjak në to.