Sipas të dhënave të gjeolokacionit, ushtria ruse nga 6 deri më 7 mars përparoi në Bahmut 200 metra, duke kapur plotësisht pjesën lindore të qytetit përtej lumit Bahmutka, njoftoi Instituti për Studimin e Luftës me qendër në SHBA - ISW. Në të njëjtën kohë, forcat ukrainase po përpiqen të avancojnë në perëndim të qytetit dhe të zhbllokojnë një pjesë të rrugëve në zonë.

Analistët e ISW argumentojnë se edhe nëse taktikisht të arrijnë të kapin Bahmutin, forcat ruse nuk kanë lëvizshmëri të mjaftueshme për të arritur efektin operativ në fushën e betejës dhe të avancojnë me sukses në Konstantinovka ose Sllavjansk dhe Krematorsk. “Pas një sulmi 10-mujor, ushtria ruse vështirë se mund të arrijë më shumë se një fitore taktike”, konstatojnë nga instituti ISW.