Eksporti bullgar në Izrael do të rritet me afro 36 për qind në vitin 2022. Kjo u bë e qartë në një takim në Izrael midis ministrave të ekonomisë dhe industrisë të Bullgarisë dhe Izraelit, Nikolla Stojanov dhe Nir Barkat. Eksporti nga Bullgaria përbën rreth 80 për qind të tregtisë dypalëshe, e cila deri më tani arrin në rreth 400 milionë dollarë. U ra dakord që Bullgaria dhe Izraeli të organizojnë një forum biznesi për kompanitë në fushën e teknologjisë së informacionit dhe komunikacionit si një hap konkret për promovimin e marrëdhënieve biznes. Bashkëbiseduesit identifikuan inovacionet dhe teknologjitë e larta si një nga fushat me potencialin më të madh për bashkëpunim të përbashkët mes dy vendeve.

Më herët gjatë ditës Stojanov vizitoi në Tel Aviv selinë e kompanisë më të madhe shtetërore në industrinë e mbrojtjes “Rafael”, ku u diskutuan mundësitë e shkëmbimit të përvojës dhe njohurive ndërmjet kompanive nga të dy vendet në këtë sektor.