Maqedonia e Veriut fshiu nga regjistri qendror Klubin Bullgar “Ivan Mihajllov” në Manastir. Masa u vendos nga Ministria e Drejtësisë në Shkup më 17 mars. Vendimi bazohet në ndryshimin e Ligjit për shoqata dhe fondacione të votuar unanimisht nga Parlamenti i Maqedonisë së Veriut. Komisioni i formuar për shfrytëzimin e emrave personalë në Maqedoninë e Veriut gjithashtu dha mendim negativ për emrin e klubit dhe kërkoi që ai të riemërohet.

• Shkupi vazhdon të luftojë kundër emrave të Ivan Mihajllov dhe Mbreti Boris III

Kryetari i Shoqatës “Ivan Mihajllov” në Manastir, Ljupço Georgievski, reagoi në Facebook se bullgarët maqedonas në Maqedoninë e Veriut do t’i kërkojnë të drejtat e tyre në Strasburg.

Klubi bullgar u themelua nga bullgarët maqedonas në Manastir 3 vjet më parë. Në hapjen zyrtare në prill 2022 morën pjesë kryeministri i atëhershëm Kirill Petkov, nënpresidentja Ilijana Jotova dhe ministrja e atëhershme e jashtme Teodora Gençovska. Një muaj më vonë, klubit iu vu zjarri dhe fajtori mori një dënim me kusht. Më 19 janar 2023, sekretari i shoqatës lokale bullgare Hristijan Pendikov u rrah brutalisht në Ohër.

• Sulmuan dhe rrahën sekretarin e klubit kulturor bullgar në Ohër