Kryetari i shoqatës bullgare “Horizonti” në Ohër, Ljubço Kurtellov, i pari ka hedhur fletëvotimin në qendrën e votimit pranë Liqenit të Ohrit. Ai tha për Radio Bullgarinë se pavarësisht tensioneve kundër bullgarëve në qytet në muajt e fundit, pjesëmarrja në votime do të arrijë atë të votimeve të mëparshme. Qytetarët bullgarë në fqinjin tonë jugperëndimor votuan në Ambasadën tonë në Shkup, në Konsullatën e Përgjithshme në Manastir, në Kavadar, Prilep, Strumicë, Tetovë dhe Ohër.
Në zgjedhjet e mëparshme në vjeshtë të vitit 2022 në Ohër kanë votuar afro 65 votues dhe shpresa është që numri i tyre të jetë i njëjtë edhe sot. Por Ljubço Kurtellov nuk është optimist: “Tendenca është të zvogëlohet numri. Jo se ishte shumë i madh - 170 mendoj se ishte numri më i madh i njerëzve që kanë votuar në zgjedhje këtu."
Në çfarë mënyre ajo që po ndodh në Ohër javët e fundit – mbyllja e klubit “Mbreti Boris III” dhe rrahja që iu bë një prej anëtarëve të tij – ndikon në dëshirën e bashkatdhetarëve tanë për të votuar në zgjedhjet bullgare?
“Fatkeqësisht, klima jo vetëm në Ohër, por edhe në Maqedoninë e Veriut është e tillë që njerëzit janë të rezervuar. Ata kanë pak frikë dhe kjo ndikon në zgjedhje”, analizon Kurtellov dhe nuk e fsheh se ndjen ndryshim në qëndrimin e bashkëkombësve të tij ndaj bullgarëve në qytet:
“Po, ka një rezervim më të madh në kontaktet personale, për të mos përmendur rrjetet sociale. Këtë e thonë edhe shumë qytetarë bullgarë që i ndjekin këto procese në Facebook dhe në rrjetet e tjera sociale. Fatkeqësisht është mbjellë një urrejtje ndaj Bullgarisë dhe bullgarëve dhe kjo është e keqe, por le të shpresojmë se ky është apogjeu dhe që këtu e tutje gjërat të përmirësohen në marrëdhëniet tona.”
Bashkëbiseduesi ynë, i cili gjithashtu punon si guid turistik në Ohër dhe në mbarë Maqedoninë e Veriut, vuri në dukje se ka rënie të interesit të turistëve bullgarë për vendin e tij dhe është i bindur se nuk do të ketë ndryshim në politikën e Bullgarisë ndaj Maqedonisë së Veriut, pavarësisht se cila forcë politike do të marrë qeverisjen në vendin tonë.
“Problemi nuk është në Bullgari, problemi është këtu - në politikën e qeverisë maqedonase dhe aq më tepër në mediat maqedonase, të cilat ushqejnë urrejtje ndaj bullgarëve. Kështu që unë nuk e shoh se si këto zgjedhje do t'i ndryshojnë gjërat. Megjithatë, është interesant kushti, jo nga Bullgaria, por nga Evropa, që i vendoset Maqedonisë së Veriut - që edhe bullgarët të përfshihen në kushtetutën maqedonase. Nga kjo varet se si do të zhvillohen gjërat.”
Foto: EPA/BGNES, BGNES
Muzeu i Aviacionit në Burgas ia kushton muajin shtator një prej ekspozitave të tij të veçanta - helikopterit Mi-2, fluturimi i parë i të cilit ishte më 22 shtator 1961. Të apasionuarit pas aviacionit, banorët dhe turistët e qytetit tonë bregdetar..
Anëtarja e re e Këshillit të Mediave Elektronike, Këdrinka Këdrinova, nga kuota e presidentit, u prezantua zyrtarisht në mbledhjen e Rregullatorit të Mediave më 12 shtator, njoftoi reporterja e BNR, Maria Kostova. Me dekret të kreut të shtetit..
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të ndërmarrin iniciativa të përbashkëta për të promovuar veprimtarinë shkencore dhe kërkimore të..
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von..
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të..