Në shërbesat në kishat ortodokse në Bullgari, ka një këndim që bëhet vetëm një herë në vit. Vetëm të Premten e Madhenë kisha tingëllon “Vajtimi i varrit”. Ky është një shërbim hyjnor që lidhet me kryqëzimin dhe është një "rrëfim" i shkurtër i pasioneve të Krishtit (vuajtjet e Jezu Krishtit) dhe vdekjes së Jezusit në kryq.
Këndimi ka një melodi specifike dhe origjinale që ka arritur tek ne e pandryshuar nga kohërat e lashta. Mbi bazën e kësaj vepre, një nga mjeshtrit e gjeneratës së parë të kompozitorëve bullgarë, Dobri Hristov (1875-1941), krijoi një vepër unike polifonike që tingëllon në kisha edhe sot e kësaj dite. Në këtë mënyrë, sakramenti i kryqëzimit dhe vdekjes në kryq transmetohet si një mesazh për laikët. Ky moment i shenjtë është shumë prekës dhe shumë i trishtuar dhe të bën të rimendosh jetën. Brenda afro 40 minutave, sa kohë që vazhdon këndimi “Vajtimi i varrit” i përbërë prej tri këngësh të veçanta, shërbimi na tregon për dhimbjet dhe vuajtjet e Krishtit për të shlyer mëkatet e njerëzimit dhe më pas për t'u ringjallur. Për këtë shkak, këngët nuk tingëllojnë aq si një vajtim, por si një lavdërim i veprave të Krishtit, i fitores mbi vdekjen dhe si një pritje e Ringjalljes së ardhshme.
Ju ofrojmë "Vajtimi i varrit" të interpretuar nga grupi vokal mashkullor "Svetogllas". Versioni i tyre është më i shkurtër se ai në kishë, por rikrijon mesazhin kryesor të së Premtes së Madhe. Muzika është e Dobri Hristov - artistit që ka kontribuar më së shumti në zhvillimin e muzikës ortodokse lindore në vendin tonë. Ai ka studiuar për kompozim në klasën e Antonin Dvořák në Pragë dhe ka punuar pothuajse gjatë gjithë jetës së tij për krijimin dhe zhvillimin e kulturës korale në Bullgari, vuri në dukje dirigjentja e shquar korale Prof. Teodora Pavlloviç në një përmbledhje të albumit "Svetogllas". Sipas saj, është një fakt emocionues që shfaqja e “Vajtimit të Varrit” nga formacioni është realizuar sipas dorëshkrimeve të autorit që ruhen në Kishën Patriarkale “Shën Aleksandër Nevski” në Sofje.
Foto: BGNES
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan banorëve dhe vizitorëve të kryeqytetit të vjetër bullgar koncerte, shfaqje opere dhe baleti,..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..