Nuk mund të flasim për sigurinë në Detin e Zi pa folur për sigurinë në Ukrainë dhe Moldavi. Këtë e deklaroi ministri i jashtëm i Bullgarisë, Nikollaj Millkov, në Konferencën e Parë për Sigurinë e Rajonit të Detit të Zi nën egjidën e Platformës Ndërkombëtare të Krimesë në Bukuresht. “Rajoni i Detit të Zi u bë thelbësor në konkurrencën strategjike midis Rusisë dhe Perëndimit, dhe lufta në Ukrainë krijoi një mjedis krejtësisht të ri sigurie. Agresioni nuk është vetëm kundër Ukrainës, por edhe kundër sigurisë dhe stabilitetit të kontinentit” tha Milkov, cituar nga BTA. Ai theksoi nevojën për një qasje kolektive dhe shprehu shpresën se në samitin e NATO-së në Vilnius, i cili do të mbahet në korrik, në këtë drejtim do të ndërmerren hapa vendimtarë.