“Në këtë format nuk ka se si të ketë qeveri”. Me këto fjalë, kreu i GERB-it, Bojko Borisov, komentoi në qytetin Razgrad qeverinë e propozuar me emra konkretë të "Po e vazhdojmë ndryshimin - Bullgaria Demokratike" (PP-DB).

• “Po e vazhdojmë ndryshimin - Bullgaria Demokratike” propozoi një projekt qeveri

Sipas tij, në projekt ka disa emra të pranueshëm – propozimet për ministrin e mbrojtjes dhe për atë të ekologjisë, “por ata e kanë gabuar kohën”. “Nga akademiku Nikollaj Denkov (i propozuar për kryeministër – shënim red.) mësova se do të negociojë me të gjitha partitë dhe i uroj suksese. Besoj se përveç meje nuk kanë asnjë shok tjetër”, tha Bojko Borisov. Sipas tij, një qeveri e rregullt e qëndrueshme mund të formohet në kuadrin e një kabineti të përbashkët. "Nëse në shabllon përfshihen ekspertët tanë kryesorë si ministra, kjo mund të ndodhë," shtoi ai.