GloBalKan është një projekt xhaz-etno që ndërthur ritmet popullore me meloditë e xhazit, kompozimet dhe aranzhimet e autorit, që karakterizojnë paletën muzikore nga pjesë të ndryshme të Ballkanit. Formacioni u krijua në vitin 2018 nga Nedjallko Nedjallkov - një nga interpretuesit tanë më të shquar të fyellit, i cili ftoi Stojan Jankullov-Stunxhi /bateri/, Petër Millanov /kitarë/ dhe Vlladimir Kërparov /saksofon/ t'i bashkohen. Një vit më vonë ata regjistruan albumin e tyre debutues "Rrota e mrekullueshme" /"WonderWheel"/ me vokalin e Bogdana Petrovës, Stoimenka Nedjallkovës dhe Marta Mavroidi nga Greqia. Në album janë përfshirë këngë popullore bullgare të aranzhuara nga muzikantët e GloBalKan dhe kompozime të tyre instrumentale. Ka edhe surpriza, si një këngë popullore greke dhe “Libertango” të Astor Piazzolla-s, por në një version të GloBalKan.
“Ideja e GloBalKan është që të ftojë muzikantë nga Ballkani dhe nga e gjithë bota – njerëz që mund të përshtaten me konceptin dhe stilin tonë të të luajturit” – thotë Nedjallko Nedjallkov. Për emrin e formacionit, i cili na çon në ruajtjen e traditave bullgare dhe përkthimin e tyre në një gjuhë të re muzikore, muzikanti shpjegon: “Duke pasur parasysh se sa shpejt po zhvillohet globalizimi në mbarë botën, vendosëm të tregojmë se si ne, si një pjesë e vogël e Ballkanit, përshtatemi në këtë tablo globale”.
Formacioni aktual i GloBalKan përfshin fyelltarin e talentuar Nedjallko Nedjallkov, talentin unik të Stunxhit, së bashku me shoqërimin xhaz të saksofonistit Arnau Garofe dhe meloditë sensuale të kitaristit Pepi Millanov. Një ndërthurje idesh muzikore dhe ritmesh magjike, të cilën mund ta dëgjoni më 9 maj në BeeBopCafé – Plovdiv. Koncerti do të transmetohet drejtpërdrejt në BeebopCafé TV, kështu që mund ta ndiqni virtualisht nga ora 21:00 me orën bullgare.
Para koncertit ju prezantojmë shfaqjen e autorit të Nedjallko Nedjallkovit "Like Salsa" (“Si Salsa”) interpretuar nga GloBalKan nga albumi i tyre "Wonder Wheel".
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që..