Në Ditën e Trimërisë dhe festën e Ushtrisë Bullgare, të cilën e shënojmë çdo vit Ditën e Shën Gjergjit më 6 maj, në orën 12:00, do të bëhet ndërrimi ceremonial i gardës së nderit para ndërtesës së Administratës së Presidentit të Bullgarisë, njoftoi Presidenca. Ceremonia mbresëlënëse, e cila mbledh banorë të kryeqytetit, bullgarë dhe turistë të huaj, u mbajt për herë të parë më 5 nëntor 2003.

Uniforma e gardianëve, e krijuar në vitin 1883 dhe e pandryshuar e deri më sot, bie në sy të spektatorëve. Merita për krijimin e saj i takon Princit Aleksandër I Batenberg - monarku i parë bullgar pas Çlirimit, dhe komandanti i Konvojës Princërore, Aleksandër Mosolov. Duke krijuar vizatimet e para të uniformës së gardistëve, ata morën si model uniformën e ushtrisë me më shumë  autoritet të shekullit të 19-të - kalorësisë. Elementët e tij të rëndësishëm janë penda e shqiponjës, simbol i shpirtit krenar bullgar dhe Ylli i Aleksandrit që ndodhet në kallpakun e rojës. Ky është ylli i urdhrit “Shën Aleksandër” të themeluar nga princi Aleksandër I në vitin 1881. 

• Uniforma e gardës – një nga simbolet e trimërisë së ushtarit bullgar