Rusia vazhdon të përqendrojë përpjekjet e saj kryesore në operacionet sulmuese në rajonin e Bahmut, Avdeevka dhe Marinka, njofton Shtabi i Përgjithshëm i Ushtrisë së Ukrainës. Forcat ukrainase neutralizuan rreth 50 sulme të armikut. Sipas të dhënave nga shtabi, gjatë ditës ushtria ukrainase likuidoi 560 pushtues rusë, 7 tanke, 14 automjete të blinduara dhe 14 sisteme artilerie.

Rusia, nga ana e saj, raporton për likuidimin e një grupi të inteligjencës ukrainase në rajonin e Doneckut, si dhe për sulme nga ushtria ukrainase në të njëjtin rajon.

Nga “Rosenergoatom” njoftojnë për vendosjen e masave të veçanta të sigurisë në Centralin Atomik Elektrik “Zaporizhie” përpara datës 9 maj. Këtë e bëri të ditur për TASS këshilltari i drejtorit të përgjithshëm të koncernit, Renat Karçaa.

Kryeministri ukrainas Denis Shmigall falënderoi mbretin britanik Çarllz III për solidaritetin. Shmigall dhe zonja e parë ukrainase Olena Zelenska u takuan me Çarllz më 5 maj. Çarllz ka shprehur "mbështetjen e tij të palëkundur" për Ukrainën.