Sot më 12 maj zyrtarisht hapet miniera “Spolluka” në qytetin Madan(Bullgaria Jugore) si një vend për turizmin minerar, njoftoi administrata komunale. Muzeu i Minierave Nëntokësore “Spolluka” është i vetmi i këtij lloji në Ballkan dhe tashmë do të jetë i disponueshëm për vizita turistike, duke paraqitur historinë e minierave në rajon. Galeritë e minierës “Spolluka” janë kthyer në një muze minierash nëntokësore në kuadër të një projekti të financuar nga programi i bashkëpunimit ndërkufitar Interreg V-A Greqi-Bullgari 2014-2020. Në kuadrin e projektit, u krye edhe rikonstruksioni i Sallës së Kristalit “Kristali i Rodopeve” në qytet. Për dy ditë, 12 dhe 13 maj, në qytetin minerar do të organizohen Ditët e Kristalit të Madanit, ku do të prezantohet një ekspozitë me koleksionet e kristaleve të nxjerra nga minierat e Madanit.

• Një muze i pazakontë në Pernik