Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nata e muzeve në Sofje pret vizitorët e saj

Foto: institutfrancais.bg

Ekspozita, koncerte, punëtori, filma, turne të organizuara me guidë - më shumë se 50 muze dhe galeri do të ofrojnë një program të pasur në kuadër të "Natës Evropiane të Muzeve" në Sofje. Gjatë gjithë ditës së 13 majit, banorët e Sofjes do të mund të vizitojnë dhjetëra evente me hyrje falas, të vizitojnë disa nga hapësirat më interesante të ekspozitës, të zhyten në botën e artit dhe shkencës bashkëkohore dhe madje të transportohen në realitetin virtual.

Pas nismës qëndron Instituti Francez në Bullgari në partneritet me Ministrinë e Kulturës dhe Bashkinë e Sofjes. Në nivel evropian, Nata e Muzeve organizohet për herë të 19-të me pjesëmarrjen e mbi 3000 muzeve në 30 vende. Bullgaria ka marrë pjesë që nga fillimi në vitin 2005. Me këtë rast Instituti Francez në Sofje ka përgatitur një program interesant. Biblioteka e tij mediatike do të prezantojë përvoja të zgjedhura në realitetin virtual. Vizitorët e saj do të shëtisin nëpër Paris, duke parë në mënyrë virtuale Senën, Kullën Eifel, Bashkinë, muzeun Orse, Kishën e Shën Eustace, Operën Garnier dhe do të fluturojnë në hapësirë me ndihmën e astronautit francez Thomas Pesquet.

Janë parashikuar edhe shfaqje të filmave francezë të viteve ‘70. Bashkia e kryeqytetit do të prezantojë galeritë e saj në qiell të hapur - në Urën e të dashuruarve, në kopshtin e qytetit dhe pranë "Kristal". Pranë kinemasë "Cabana", Ambasada Italiane do të organizojë një ekspozitë speciale me rastin e Ditës së Evropës.

Për dashamirët e muzikës, janë planifikuar edhe koncerte - në Muzeun e Shtëpisë Pancho Vladigerov, në Galerinë e Arteve Figurative ne Sofje, në Muzeun "Tokа dhe Njerëzit" (mund të dëgjohet një organ).

Pergatiti në shqip: Kostandina Bello




Последвайте ни и в Google News Showcase, за да научите най-важното от деня!

Më shumë nga rubrika

Interesi për të mësuar bullgarisht është në rritje në Edrene

Në Shkollën Bullgare “Ivan Vazov” në qytetin kufitar të Edrenesë mësojnë 55 fëmijë. Shkolla u hapu në vitin 2017 pranë Konsullatës së Përgjithshme të Bullgarisë. Në një vit shkollor, fëmijët atje kanë 120 orë mësimore të gjuhës bullgare. Emigrantët..

botuar më 25-02-25 9.37.PD
Foto: Facebook / Muzeu

Muzeu “Veliki Presllav” prezanton Rrugën e Kirilit dhe Metodit në Bullgari

Me rastin e festës së Shën Kirilit, Muzeu Arkeologjik "Veliki Presllav" prezanton ekspozitën "Në rrugën e nxënësve".  Ekspozita kushtuar krijuesve të alfabetit sllavo-bullgar tregon rrugën e Kirilit dhe Metodit në Bullgari, si pjesë e Rrugës Kulturore..

botuar më 25-02-14 10.41.PD
Shkolla bullgare

Shkolla "Ivan Vazov" në Paris me një sfidë magjike për fëmijët që shkruajnë bullgarisht

Ekipi i shkollës bullgare të së dielës "Ivan Vazov" në Paris po përgatit edicionin e dytë të konkursit letrar ndërkombëtar "Penda magjike". Sfida është për të gjithë fëmijët dhe të rinjtë në mbarë botën që shkruajnë në bullgarisht, pavarësisht nga shkolla..

botuar më 25-02-12 6.10.PD