Prokurori i përgjithshëm Ivan Geshev të martën do të paraqesë në Këshillin e Lartë Gjyqësor kërkesë për shkarkimin e zëvendësit të tij Borisllav Sarafov. Kryetari i këshillit Bojan Magdalinçev tha për BNT se Geshev mori propozimin për lirimin e tij të parakohshëm të paraqitur nga gjashtë anëtarë të këshillit që janë të zgjedhur nga parlamenti. Ka një periudhë 7-ditore në të cilën kryeprokurori mund të bëjë kundërshtime dhe të paraqesë dëshmi.

Detyra e prokurorisë nuk është të flasë në media dhe t’u japë kualifikime përfaqësuesve të popullit, por të udhëheqë hetimet dhe të ngrejë akuza, thuhet në mesazhin e koalicionit “Po e vazhdojmë ndryshimin - Bullgaria Demokratike” në lidhje me skandalet në prokurori. Ata kërkuan seancë dëgjimore në parlament për prokurorin e përgjithëshëm Geshev dhe zëvendësit e tij Borisllav Sarafov dhe Jasen Todorov.

• Prokurori i Përgjithshëm refuzoi të jepte dorëheqjen dhe u ankua për presion politik
• Zëvendës Kryeprokurori Borisllav Sarafov kërkoi siguri personale që të mos vritet “papritmas”