Ekspozita “Frymëzime të njohura dhe të panjohura IV” hapet më 31 maj, në Sallën e Mermerit të BNR-së në prag të festës së fëmijëve. Ekspozita organizohet për të katërtin vit radhazi nga transmetimi “Të njohur dhe të panjohur” të programit “Hristo Botev” të BNR-së, i cili i bën të dukshëm njerëzit “e padukshëm” dhe përqendron vëmendjen tek pakicat e ndryshme. Organizator i veprimtarisë është drejtuesja e transmetimit, Cveta Nikollova.

Në ekspozitë do të prezantohen piktura dhe sende të punuara nga fëmijë dhe të rinj nga Shkolla Speciale për Nxënës me Dëgjim të dëmtuar “Prof. Dr. Deço Denev” dhe nga Qendra Ditore për Fëmijë dhe të Rinj me Aftësi të Kufizuara “Bezbroi Çudesa” (Mrekulli të Panumërta) pranë Asociacionit të Prindërve të Fëmijëve me Epilepsi, si dhe nga  fëmijë refugjatë nga Ukraina nga SOS-Fshatrat e Fëmijëve Bullgari.

Ekspozita do të vazhdojë deri më 7 qershor.