Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Me shpirtin e një udhëtari – blogerja Elena Koleva

13
Foto: arkiv personal

E lindur me shpirtin e një udhëtari, Elena Koleva dëshironte që e vogël të njihej me tokat ekzotike dhe bukuritë jo shumë të njohura bullgare. Ishte vetëm katër vjeç, kur mësoi të lexonte. Në atë kohë gjen rastësisht një libër të quajtur "Atlasi i botës" në bibliotekën e gjyshit të saj. “Kam kaluar orë të tëra e zhytur në faqet e tij. I përsërisja me mendje konturet e kontinenteve dhe vendeve, lexoja me vëmendje emra të panjohur dhe imagjinoja se si do të ishte të isha atje”, tregon Elena Koleva për Miglena Ivanovën dhe Radio Bulgarinë. Dhe kështu, kur rritet, Elena vendos se është koha për të realizuar ëndrrat e saj dhe fillon të udhëtojë nëpër botë. Rezulton, megjithatë, se kur një ëndërr realizohet, i hap rrugë një ëndre tjetër. Kështu lindi edhe blogu i saj My Places to Visit - Блог за пътуване и фотография, në të cilin flet në mënyrë magjepsëse për eksperiencat e saj, por gjithashtu jep informacion shumë të dobishëm për turistët për vendet që viziton, në bullgarisht, anglisht dhe spanjisht. Dhe e gjithë kjo – e shoqeruar me foto të mrekullueshme që janë të afta të ndezin dëshirën për të udhëtuar edhe të njerëzit që janë më shtëpiak.

Vrima Blu, Belize

“E rëndësishme është të arrish të kapësh momentin dhe emocionin”, na tregon Elena mbi sekretin e aftësive të saj fotografike. Vetëm vitin e kaluar, ajo vizitoi shtete në Evropë, Amerikën e Jugut, Azinë dhe Afrikën, fluturoi mbi gropën e madhe karstike "Vrima Blu" në brigjet e Belizes dhe mbi Nazca në Peru - një ëndërr për adhuruesit e mistereve të lashta, zhytet në atmosfera e dy shkretëtirave dhe dy xhunglave. Tani ëndërron të udhëtojë me një çantë shpine dhe kamerën në dorë në të gjithë Amerikën e Jugut, të shkojë në Zelandën e Re dhe Ishujt Faroe. Pavarësisht të gjitha mrekullive që ka parë në botë, ajo është e bindur - udhëtimi më emocionues është ai i rradhës! Por bota është plot ngjyra dhe ndonjëherë, pranon Eli, ajo has histori gjatë rrugës që e trishtojnë shumë dhe madje e zemërojnë:

Initiation Well, Sintra, Portugali

“Unë do të jap shembull një incident nga Guatemala që ndodhi tani afër. Ne vizituam një ujëvarë fantastike në xhungël që ishte me ujë të nxehtë, ndërsa vetë lumi ishte me ujë të ftohtë (ujëvara Agua Caliente). Ndodhej në pyll. Rrugës për tek ujëvara, hasa disa fëmijë lakuriq, të bërë pis, por të buzëqeshur. Unë fola pak me ta. I pyeta për emrat, moshën dhe vazhduam rrugën. Gjatë kthimit nga ujëvara, pashë po këta fëmijë - ata mbanin thasë me dru të varur në kokë. Dhe tani rrënqethem kur e kujtoj këtë gjë. Ajo pamje kurrë nuk do të largohet nga mendja ime.”

Perëndimi i diellit mbi liqenin Atitlan, Guatemala

Udhëtimet nëpër kontinente të ndryshme, takimet me bukuri të njohura dhe të panjohura bënë Elena Kolevën ta donte dhe vlerësonte edhe më shumë pasurinë e tokës bullgare. Në fundjavë, kur është e lirë, ajo kërkon të arratiset nga Sofja dhe të udhëtojë nëpër Bullgari.

“Çdo cep është i bukur në mënyrën e tij”, pohon ajo. E pyetur se cilat vende do t'u rekomandonte të huajve që vijnë në vendin tonë, ajo përgjigjet:

Koprivshtica

“Ne kemi natyrë të mrekullueshme dhe shumë vende të bukura me të cilat mund të krenohemi. Ndoshta do t'i çoja në fshatrat më pak të njohur në Rodope, për shembull Muglla, Manastir, Kosovë. Më pëlqejnë shumë pamjet drejt lumit Iskër. Kjo është gjithashtu një zonë e bukur, jo aq e njohur dhe turistike. Ndoshta është e njohur vetëm për njerëzit që jetojnë afër Sofjes. Dhe përgjatë Detit të Zi ka vende të mrekullueshme dhe plazhe të izoluara, por, të them të drejtën, preferoj të mos tregoj për këto vende."

Fshati Kosova

Përgatiti në shqip: Kostandina Bello

Foto: Elena Koleva




Последвайте ни и в Google News Showcase, за да научите най-важното от деня!

Më shumë nga rubrika

Mbreti Boris III (1894-1943)

Mbreti bashkues Boris III në kujtimet e djalit të tij Simeon Sakskoburggotski

Mbushen 131 vjet nga lindja e Mbretit Boris III, i cili mbeti në kujtesën bullgare me përkufizimin që i dha populli dhe historia - Bashkues. Boris Sakskoburggotski qëndroi në krye të vendit pas abdikimit të Mbretit Ferdinand pas disfatës së..

botuar më 25-01-30 6.55.PD
Elena Doskova-Ricardi

Elena Doskova – Ricardi shkruan emrin e saj në histori si bullgarja e parë që këndoi në La Scala

Elena Doskova – Ricardi magjepsi kryedirigjentin e La Scala, Arturo Toscanini me zërin e saj prej sopranoje aq sa magjik, po aq edhe dramatik, temperamentin e zjarrtë dhe tonin e pastër, që e kthyen atë në një këngëtare operistike të klasit të parë. Nën..

botuar më 25-01-28 7.25.PD
Mbi pesë kuaj në Berlin, 1912

Llazar Dobriç mbetet i vetmi artist i cirkut që realizoi "Trapezin e vdekjes"

"Para se të shpikja "Trapezin e vdekjes", quhesha Llazar Dobriç dhe kështu më shkruanin nëpër postera dhe nëpër programe”. Mjeshtri i artit botëror të cirkut do të mbahet mend gjithmonë për trukun më të rrezikshëm në ring – me dorën e shtrirë drejt një..

botuar më 25-01-19 9.30.PD